Rap Eco

Rydyn ni wedi ysgrifennu 'Rap Eco' i'n hatgoffa sut i ofalu am ein byd. Canwyd y Rap yn fyw ar raglen Ray Gravell ar radio Cymru. Roedd wrth ei fodd a dywedodd yn fyw ar y radio pa mor bwysig oedd i ni ofalu am ein byd.

 Arhoswch nes bod y RAP yn dechrau chwarae os gwelwch yn dda!

Cofiwch ofalu am ein byd hardd ni,

Mae ein byd hardd ni yn drysor drud!

Taflwch bob sbwriel i mewn i’r bin,

Cadwch yr ysgol yn lân fel pin.

Mae ‘na fin i blastig, mae ‘na fin i bapur,

Rhaid rhoi’r sbwriel yn y bin sy’n gywir.

Trowch bob cyfrifiadur bant,

Fel bod ‘na blaned i blant ein plant.

Rhowch y car yn y garej a bant â ni,

Cerddwch, sgipiwch, rhedwch da chi.

Neidiwch i’r gawod yn hytrach na’r bath,

Peidiwch gwastraffu y dŵr gyda SBLASH!

Gan Flwyddyn 3 a 4.