Cyflwyniad.

Yn unol â disgwyliadau uchel y gymdeithas, disgwylir i ysgolion osod a chymell safonau da o ran ymddygiad.

Mae ymddygiad da yn angenrheidiol ar gyfer dysgu ac addysgu effeithiol.

Ceisia'r ysgol osod ffiniau rhwng ymddygiad derbyniol ac annerbyniol, dathlygu patrwm o wobrwyo a chosb, a sefydlu perthynas adeiladol o fewn y gymuned.

Dylai’r plant, rhieni a'r staff fod yn ymwybodol o'r hyn a ystyrir yn ymddygiad annerbyniol yn yr ysgol- rhegi, ymladd, bwlian, diffyg parch tuag at bobl ac eiddo, torri rheolau'r ysgol...

Bwriadwn fel ysgol, osod a chynnal safonau uchel o ymddygiad drwy:

-ganmol a gwobrwyo

-berthynas agos rhwng yr athrawon, staff a'r plant

-ddysgu ac addysgu effeithiol

-weithredu cosb pan fo'r angen.

Defnyddir yr amcanion y cytunwyd arnynt, i greu agwedd bositif tuag at yr ysgol a'i chymuned ac hefyd i hyrwyddo yrnddygiad da.

* greu amgylchedd HAPUS

* WEITHIO hyd eithaf eu gallu

* ddangos PARCH tuag at bobl ac eiddo

* OFALU am ei gilydd.

Credwn fod y disgyblion yn ymddwyn ac yn gweithio'n well pan fydd athrawon ac eraill yn canmol a gwobrwyo eu Ilwyddiannau ac yn pwysleisio eu potensial yn hytrach na chanolbwyntio ar eu diffygion a'u methiannau.

Rhoddir canmoliaeth yn ffurfiol ac anffurfiol - o fewn y dosbarth, yn ystod y gwasanaeth boreol, ar ffurf llythyr neu sylwadau yn llyfr personol y plentyn.

Mae'r ysgol wedi mabwysiadu cynllun sy'n gwobrwyo dosbarthiadau ac unigolion am eu gwaith.

Er mor bositif a gwreiddiol, ni all yr un ysgol ddileu problemau disgyblaeth. Cosbir ymddygiad annerbyniol fel a ganlyn:

- cerydd gan yr athro / athrawes

- cadw i mewn yn ystod amser chwarae

- gwaith ychwanegol

- gwaith cymunedol o fewn yr ysgol e.e. glanhau a chasglu  sbwriel..

Os yw'r ymddygiad annerbyniol yn parhau, cysylltir â’r rhieni ar ffurf llythyr neu alwad ffôn fel y gellir trafod a delio â'r problemau yn syth.